Ero anca mi un de quei “scettici blu” a proposito dell’Adunata degli Alpini. Enveze dopo, man a man che i vedevo giràr per la zità, piantàr le tende e tut el rest me son anca dat del stupido. L’è sta inevitabile lassàrse coinvòlger, lassàrse tiràr en quel’ aria de festa che la zità sconvotla la te butava contro. Inevitabile per quei che g’hà “radici” entendo. HO scominzià a giràr per le strade en bicicleta el vendro dopodisnàr e sicome tuti quei che me conosseva i me disèva: “Ah, te to l’ispirazion per scrìver qualcos su Vita Trentina, ne-sì?” – son costreto a scrìver sta roba che tui ormai i se l’aspeta.
El vendro de sera son finì en te na tenda de piazza Venezia a tastàr el persùt còt en la pasta del pan e do tre biceri de ‘n vinèl che ‘l neva zò come ‘l rosolio. Ho dovèst bèverne trei mi, perchè la Nicoletta la n’hà bevù demò uno, el secont no la ghe la feva e alor me son sacrificà.
Pò sen finidi davanti al scole Sanzio en do’ che dale doi de dopodisnàr giràva en spiedo enorme con su en porzelòn che ho scominzià a sbavàr su enzima a via Sufragio. Mi e la Nicoletta ne sen sentadi zò davanti a quel pòr digrazià e avèn scominzià a fissarlo finchè ale oto i ha dovèst tiràrlo zo dala disperazion, cossì n’aven tastà ‘n tochet: squisito! A sto punto scominziàvo za a domandarme ‘n do che diàol podeva èsser finì l me capèl, che dopo la naia no ero stà pu bòn de trovarlo… (…)
Ma la roba ch m’ha colpì de pù l’è sta l’incontro de sabo de sera en font a via Cavour: me sento tocàr su ‘nte na spala, me volto e vedo me fradèl col capèl d’alpin. “Ma ‘ndò vat? Set deventa mat? – e ho ridest.
Lu ‘l m’hà vardà serio. – Perchè? Sa gh’è: son stà alpin anca mi, sì o no? L’aveva tirà fora ‘l capèl e ‘l saveva comprà na piuma nova. Me volto e ghe l’altro me fradèl co’la bandeira. Quelo ‘l rideva. El g’avevo anca mì ‘l capèl, forsi l’era su l’antana, chissà… En qualche scatolòn, forsi zercando…
-
Senti Michele, me làsset far en giro?
-
Me ‘l son mess sulla testa e ho fat anca mi vinti metri col capèl d’alpin. Po’ ‘l me l’ha domandà de ritorno…
-
t
Andrea Castelli
dalla rubrica “Castellinaria”, sul numero di Vita Trentina del 24 maggio 1987)
