Domenica 25 maggio, una decina di persone di Fierozzo si sono incamminate alle 6 di mattina per raggiungere il Santuario di Montagnaga, a Pinè. La camminata della durata di tre ore, può venir fatta da grandi e piccini perché non è così impegnativa e durante il viaggio si sta in compagnia a chiacchierare, a pregare e a respirare aria fresca.

En sunta vergòngen, as de vimfontzboa’sk van moi, an ettlena lait va Vlarotz hom se se pfuntn za gea’ as Panait za vuas. Men organisiart s doi gea’ en gapett òll jor ont òlbe derbail s mu’net va de Madona. S ist an vurm za glaimern se mear en de kirch ont tea’ eppes ver sich sèlbst.

Men geat vort kan Zèlder um secksa en de vria, men geat durch der be as nogeat en de Bersn finz anaus en Auserpèrg. Va sèmm nemmt men a bedl en mittelt en bòlt ont men kemmpt en Oachpèrg, men geat durch de pruck va Mala ont ano va Viarak. Dert nemmt men an ònders bedl as geat keing Panait.

Za kemmen as en plòtz leigt men en drai stunnen ont s ist nèt an hòrtn be, avai s ist lai òlls peine ont de meichen en tea’ òlla, groasa ont kloa’na aa. Derbail s gea’ teat men nèt lai petn, ober klòffen, lòchen ont vertraim se de zait òlla zòmm.

Lait as hom toalganòmmen en doi gea’, haier, s hòt er bea’ne gahòp ont s bart sai’ avai de hom s nèt gabiss. S kimmt nèt gatu’ òll jor der glaiche sunta ont alura nèt òlla kemmen se za bissn benn men mòcht en.